Mat- og drikkekultur!
Skorovasmat AS er ei mat- og drikkekulturverksemd i Skorovatn i Nord-Trøndelag. Vi produserer gardsmat og driv skjenkestove. Vi er medlem i Hanen, som stiller strenge kvalitetskrav. Vidare er vi samarbeidspartnar med Norsk Kulturarv, og medlem i Visit Namdalen og Visit Namsskogan.
Opningsdagar i november-januar:
Pga koronapandemien blir det begrensa opningstider, og kva dagar Stova er open kan finnast på fjesboka eller du kan ringa/melda til telefon 41313511.
Koronatiltaka medfører eit tak på antal gjestar, og det skal vera ein meter avstand mellom folk. Vidare er menyen litt redusert.
Nokre få datoar er sikre:
- Fredag 13. november (juleølsmaking)
- Laurdag 14. november
- Fredag 20. november
- Laurdag 21. november (Marioffer)
- Fredag 27. november
- Laurdag 28. november (akevittsmaking)
- Fredag 4. desember
- Laurdag 5. desember
- Fredag 11. desember (Fandens fødselsdag)
- Laurdag 12. desember
- Måndag 21. desember (Tomasmesse og solsnu)
- Laurdag 26. desember (2. juledag, sparkfest?)
- Søndag 27. desember (Romjulssøndag)
- Laurdag 2. januar (Nyttårsfest)
- Laurdag 9. januar
- Normal opningstid er frå kl 2100 til 0100, men det kan godt henda vi opnar og/eller stengar tidlegare og seinare.
- Det kan bli fleire (eller færre) opningsdagar – følg med på heimesida eller i fjesboka!
- Det kan òg bli ættandørj på ettermiddagane, når folk kjem frå skitur og er tørste!
Skjenkestova
Skjenkestova i Skorovas vart etablert i september 2005. Skjenkestova ligg i første etasjen i gamle Skorovatn skole, der det før var sløydsal kombinert med kapell. Seinare har lokalet vore brukt både som musikkrom og barnehage. No ei sermerkt skjenkestove!
Matservering
Vi serverer sjølvsagt våre gjester kortreist mat dersom dei ønskjer det. Men for at maten ikkje skal stå og domna bort i omnen serverer vi berre på bestilling. Ring oss gjerne ei vekes tid før dykk kjem, så ordnar vi god mat – helst av lokale råvarer.